Plantun de Prouvènço

Pèr coumpara dos planto d'encò nostre

Pilosella anchusoides & Humulus lupulus

Pilosella anchusoides

Asteraceae Compositae

Nom en français : Piloselle faux buglosse.

Descripcioun :
Aquesto peludello trachis dins li tepiero seco e li garrigo. Es uno planto forço peludo d'en pertout ço que i'a douna lou noum de fausso-lengo-de-biòu (= faus Anchusa). Fai partido dóu group de peludello que fan uno paumo pourtado pèr uno cambo mai o mens longo. Apoudèn qu'aquesto planto èi bèn verdo o un pau rouginasso mai pas jamai verdalo au contro de Pilosella visianii.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 1,5 cm
Flourido : Printèms - Estiéu

Sòu : Ca
Autour basso e auto : 100 à 1600 m
Aparado : Noun
Mai à juliet

Liò : Tepiero seco - Garrigo
Estànci : Mesoumediterran à Mountagnard
Couroulougi : Éuropenco-Sud-Ouèst
Ref. sc. : Pilosella anchusoides Arv.-Touv., 1880

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.